நிகழ்வுகளுடனும், அனுபவங்களுடனும் ஒன்றிப் போகாமல் விலகி நின்று அனைத்தையும் பதிவு செய்யும் அசோகமித்திரனின் கலைப் பார்வை, தேர்ந்த காமிராக் கலைஞனின் நுணுக்கத்தோடு காட்சிகளைச் சித்திரிக்கவும் தவறுவதில்லை. பயணக்கட்டுரையும், புனைகதையும் சந்திக்கும் புள்ளியில் சஞ்சரிக்கும், இந்நாவலின் பிரதி முழுவதும் இழையோடும் அங்கதம் வாசிப்பில் சுவை கூட்டுகின்றது. தமிழின் தனித்துவம் மிக்க எழுத்தாளர்களில் ஒருவரான அசோகமித்திரனின் அலாதியான படைப்பாக்கங்களில் முன்னோடி முயற்சிகளில் ஒன்றான 'ஒற்றன்' முதன்முறையாக அதன் முழுமையான வடிவில் வெளிவருகிறது.